Ал жазында фермерлерди өз айыл чарба малдарын алыс жайыттарга өткөрүүгө мажбурлап жатканын, бирок бул үчүн зарыл шарттар түзүлбөй жатканын айтты.
«Биз фермерлерди апрель жана май айларында малдарын алыс жайыттарга жөнөтүүгө милдеттендиребиз. Июнь айында алар Суусамыр өрөөнүнө кайтып келишет, бирок ал жерде эч кандай шарт жок. Жол жабык, каржылоо бөлүнбөй жатат», - деп белгиледи депутат.
Мындан тышкары, Сейтказиева жергиликтүү өз алдынча башкаруу органдары бул кырдаалга жооптуу экенин, бирок көпчүлүгү дотация алып жаткандыктан жетиштүү ресурстарга ээ эмес экенин баса белгиледи. Ошондуктан, ал Министрлер кабинетинин айыл чарба министрлигинин өкүлүнө зарыл шарттарды түзүү жана каражат бөлүү мүмкүнчүлүгү тууралуу суроо берди.
Айыл чарба министринин орун басары Жаныбек Керималиев жайыттарды пайдалануу боюнча кирешелер алардын өнүгүшүнө багытталышы керектигин билдирди.
Ал министрлик кошумча финансылык булактарды тартууну карап жатканын кошумчалады.
«Биз гранттарды пайдалануу мүмкүнчүлүгүн изилдеп жатабыз, инвесторлорго кайрылып жатабыз. Ошондой эле жайыттарды пайдалануу графигин түзүү маанилүү», - деп тактады министрдин орун басары.
