Бул мыйзам 2025-жылдын 24-декабрында Жогорку Кеңеш тарабынан кабыл алынган жана орто мөөнөттүү бюджеттик туруктуулукту жана мамлекеттик каржыны эффективдүү башкарууну камсыз кылуу үчүн шарттарды түзүүгө багытталган.
Мыйзамдан алынган маалыматка ылайык, 2026-жылга бюджеттин кирешелери 551 миллиард 207 миллион 156,1 миң сомду түзөт, ал эми чыгашалар 550 миллиард 770 миллион 757,7 миң сом деңгээлинде пландалган.
Бюджеттин профицити 436 миллион 398,4 миң сомго белгиленген. Бул каражаттар финансылык активдер менен операцияларды каржылоого жана мамлекеттик тышкы карызды төлөөнү камтыган тышкы милдеттенмелердин негизги бөлүгүн жабууга жумшалат.
