Маалыматка ылайык, кызматташтык Кыргызстандагы суу жана жер ресурстарын башкарууда заманбап корей технологияларын киргизүүгө багытталат.
Келишимдин алкагында сугат системаларын модернизациялоо, аймактарда инфраструктураны өнүктүрүү, ошондой эле "акылдуу айылдар" сыяктуу жогорку технологиялуу долбоорлорду ишке ашыруу каралган.
Бул келишим "Расмий жардам программасы" (ODA) алкагында түз инвестициялар жана ресурстарды тартуу үчүн укуктук негиз түзөт. Партнердук мамиле Кыргызстанды 2026-жылга чейин өнүктүрүүнүн Улуттук программасынын максаттарына жооп берет, ал программа айыл чарбада санариптештирүү жана технологиялык жаңыланууну камтыйт, деп белгиленет билдирүүдө.
