Бишкекте Кыргыз Республикасынын Су ресурстары, айыл чарба жана кайра иштетүү өнөр жайы министрлиги менен Кореянын айылдык коомдорду өнүктүрүү корпорациясы (KRC) ортосунда өз ара түшүнүшүү меморандуму түзүлдү. Министрликтин басма сөз кызматы билдиргендей, бул келишим суу жана жер ресурстарын башкарууда корей инновациялык технологияларын киргизүүгө, ирригациялык системаларды модернизациялоого жана «акылдуу айылдар» долбоорлорун камтыган айыл инфраструктурасын өнүктүрүүгө багытталган.
Бул кызматташтык Кыргыз Республикасынын 2026-жылга чейин өнүктүрүү боюнча Улуттук программасына ылайык келет жана Корея Республикасынан инвестицияларды жана расмий жардамды (ODA) тартууга стимулдарды түзөт.
