Кыргызстандыктарга автоунаа жарандык жоопкерчилигин камсыздандыруу полистери (ОСАГО) боюнча 256 миллион сом төлөнгөн, деп билдирди Финансылык рынокту жөнгө салуу жана көзөмөлдөө кызматынын төрагасы Марат Пирназаров Биринчи радиодо.
Ал ошондой эле камсыздандыруу төлөмдөрүнүн негизги бөлүгү ыктыярдуу камсыздандыруу түрлөрүнө туура келгенин белгиледи: жеке камсыздандыруу боюнча төлөмдүн суммасы 165 миллион сомду, ал эми мүлк камсыздандыруу боюнча 625 миллион сомду түзгөн.
Мажбурлуу турак-жай камсыздандыруу боюнча 28 миллион сомдон ашык төлөм жүргүзүлгөн. ОСАГО полистери 256 миллион сомдук төлөм суммасы менен мажбурлуу камсыздандыруу түрлөрүнүн арасында лидер болгонун белгилөө маанилүү.
Марат Пирназаровдун айтымында, калк камсыздандыруунун мааниси жана анын мүлктүк жана социалдык кызыкчылыктарды коргоодогу ролу жөнүндө улам көбүрөөк маалымдар болууда.
