Эми документ мүчө мамлекеттерге кол коюуга чейин зарыл болгон ички мамлекеттик процедураларды аткаруу үчүн жөнөтүлөт. Бул келишимдин негизги максаты ЕАЭБдин ички рыногунда электрондук соода үчүн бирдиктүү эрежелерди түзүү болуп саналат.
«Бул масштабдуу иштин негизги максаты — электрондук соода чөйрөсүндө товарлардын эркин кыймылына ар кандай тоскоолдуктарды минималдаштыруу», — деп белгиледи ЕЭКнын соода министри Андрей Слепнев.
Ал ошондой эле, бул бизнестин үчүн бирдиктүү, алдын ала болжолдонгон жана ачык жөнгө салуу чөйрөсүн түзүүнү, электрондук документ жүгүртүүнү киргизүүнү, ошондой эле административдик жүктү жана финансылык чыгымдарды азайтууну билдирерин кошумчалады.
Мындан тышкары, ЕЭК министринин белгилегенине ылайык, бул керектөөчүлөр үчүн алардын укуктарын коргоонун бирдиктүү стандарттарынын болушун, бул стандарттар традициялык соодадагыдай эле жогору болорун, ошондой эле маалыматтык коопсуздукту, жеке маалыматтарды коргоону жана спамды чектөөнү кепилдейт.
