Ал 2025-жылга чейин өлкөнүн ИДПсы доллардык эквивалентте 22 миллиард долларга жетиши мүмкүн экенин, бул пандемиядан кийинки туруктуу экономикалык өсүүнү көрсөтүп жатканын айтты.
«Экономиканын өсүшү негизинен ички ресурстар аркылуу камсыздалууда, мунай-газ секторуна жана башка чийки зат ресурстарына көз каранды болбой», — деп баса белгиледи Чоро Сейитов.
Министрдин орун басары негизги өсүү кыймылдаткычтары индустриалдаштыруу, энергетика тармагын өнүктүрүү, транзиттик хабды түзүү, ошондой эле айыл чарба жана туризм боюнча потенциалды жогорулатуу экенин тактады. Айрыкча, өлкөдө кайра иштетүүчү ишканаларды куруу жана модернизациялоо, ошондой эле жаңылануучу энергия булактарын жана транспорттук инфраструктураны өнүктүрүү боюнча долбоорлор ишке ашырылууда.
Мындан тышкары, программада бизнес чөйрөсүн жакшыртуу, каржылоого жеткиликтүүлүктү кеңейтүү жана чет элдик инвестицияларды тартуу боюнча чаралар каралган. Бул инициативаларды ишке ашыруу экономиканын орточо жылдык өсүшүн 8% дан кем эмес камсыз кылат жана 2030-жылга чейин адам башына ИДП деңгээлин жогорулатат деп күтүлүүдө.
