Бул өзгөртүүлөр Кыргыз Республикасынын Салык кодексине 2025-жылдын 31-декабрындагы «Кыргыз Республикасында салык салуу, социалдык камсыздандыруу жана салыктык эмес кирешелер боюнча айрым мыйзам актыларына өзгөртүүлөрдү киргизүү жөнүндө» мыйзамына ылайык киргизилген.
Эскерте кетсек, транзакцияга салык 2025-жылдын 31-июлундагы мыйзам менен белгиленген. Ал, Кыргыз Республикасынын банктарынын биринде салык төлөөчүнүн эсеп ачып, чет өлкөдөгү банк эсептеринен келген акча каражаттарын которуу операцияларын салык салууну жөнгө салган атайын салык режимин билдирет.
Эсеп ачылган банк салык агенттиги болуп, салык төлөөчү транзакциялык операцияларды жүргүзгөндө бул салыкты кармап, бюджетке өткөрүп берет.
Транзакцияларды жүргүзгөн субъекттер «транзакция салыгы» атайын салык режимин гана колдонууга милдеттүү жана 2026-жылдын 1-февралына чейин салыктык каттоосунун ордосуна аталган режимди колдонуу боюнча арыз берүү керек.
Салык төлөөчүлөр, бул салыкты колдонгондо, Кыргыз Республикасында башка ишмердүүлүк жүргүзүүгө укугу жок экенин баса белгилөө маанилүү.
Эгер салык төлөөчү транзакциялык ишмердүүлүктү башка ишкердик ишмердүүлүк менен айкалыштырууну пландаштырса, анда ал бул ишмердүүлүктү жүргүзүү үчүн өзүнчө жоопкерчилиги чектелген коом же жеке ишкер катары каттоодон өтүшү керек.
