Кыргызстанда халал-продукция өндүрүшүндөгү каталар үчүн жоопкерчиликти киргизүү мүмкүнчүлүгү каралууда.
Экономика жана соода министрлигинин маалыматына ылайык, учурда халал-продукттарды өндүрүү жана сертификаттоо менен байланышкан мыйзам бузуулар үчүн жоопкерчиликти белгилеген мыйзам долбоору иштелип чыгууда. Бул документ мыйзам бузууларды жоюуга багытталган.
Долбоордо талап кылынган сертификаттарга ээ эмес халал-продукция өндүрүүчүлөргө жана жеткирүүчүлөргө, ошондой эле текшерүү жана ылайыктыгын тастыктоо процессинде мыйзам бузууларга жол берген сертификаттоо органдарына айып пулдарды киргизүү каралган.
Ошол эле учурда халал-сертификаттоо системасын жакшыртуу боюнча иштер жүргүзүлүүдө. Сертификаттарды берүү процессин санариптештирүү жана товарларды өндүрүү жана маркалоо боюнча контролду жакшыртуу үчүн ачык жана натыйжалуу ыкмаларды киргизүү пландаштырылууда.
Бул чаралар керектөөчүлөрдүн укуктарын коргоого жана Кыргызстандагы халал-продукцияга болгон ишенимди арттырууга багытталган.
Министрликте ошондой эле мурдагы мыйзам бузуулар, мисалы, айрым өндүрүүчүлөрдө свинина ДНКсынын болушу, өндүрүш процессин кайра карап чыгуу жана кайрадан лабораториялык анализдерден кийин жоюлганын белгилешти.
