Бул мыйзам долбоорунун демилгечиси Министрлер кабинетинин төрагасы болду.
Экономика жана соода министринин орун басары Султан Ахматов долбоор тууралуу маалымат берди.
Мыйзам долбоорунун максаты халал-индустрияга байланыштуу укуктук нормаларды орнотуу жана жакшыртуу болуп саналат.
Ахматовдун айтымында, Кыргызстанда халал-индустриянын тармагы активдүү өнүгүүдө.
Ал «халал-продукцияларга жана кызматтарга болгон суроо-талаптын жогорулашы менен, ошондой эле керектөөчүлөрдүн укуктарын коргоо жана адилеттүү атаандаштыкты камсыздоо үчүн, халал-индустрияны жөнгө салуу үчүн катуу көзөмөл жана так юридикалык нормаларды иштеп чыгуу зарылдыгы келип чыгат» деп белгиледи.
