Кыргызстанда кредиттик карыздар жана кечиктирүүлөр боюнча маалыматты сактоо мөөнөттөрүнө байланыштуу мыйзамга өзгөртүүлөр киргизүү пландалууда. Учурда терс маалыматтар 5 жыл сакталат, бирок өзгөртүүлөр киргизилгенден кийин бул мөөнөт 3 жылга кыскартылат. Тийиштүү мыйзам долбоору Жогорку Кеңештин финансы, бюджет, ишкердик жана атаандаштык боюнча комитетинде биринчи окууда каралууда.
Мыйзам долбоорун коштогон маалымкатка ылайык, эгер карыз алуучу кредитти ийгиликтүү төлөсө, анын тууралуу маалымат 7 жылдын ордуна 5 жыл сакталат. 10 миң сомго чейин болгон микрокредиттер үчүн кечиктирилген маалыматтын сактоо мөөнөтү болгону 1 жылды түзөт. Мындан тышкары, эгер кредит берген уюм өз ишин токтотсо, кредит тууралуу маалымат 2 жыл бою сакталат.
Бул өзгөртүүлөрдүн негизги максаты — жарандар жана кичи ишканалар үчүн кредиттерге жетүүнү жеңилдетүү, ошондой эле көлөкө кредитинин деңгээлин төмөндөтүү. Мыйзам долбоору коңшу өлкөлөрдүн тажрыйбасына таянып, андай чаралар карыз алуучулар үчүн өз натыйжасын көрсөттү.
Фото www
