Сынак этабы 2026-жылдын төртүнчү кварталында башталып, 2027-жылдын экинчи кварталына чейин уланат.
Бул убакта санарип сом үчүн платформа иштелип чыгат жана делдалсыз иштеген P2P которуулар системасы сыноодон өтөт.
Бул демилгени каржылоо Улуттук банктын каражаттарынын эсебинен жүргүзүлөт.
Мурда Кыргызстандын Улуттук банкынын жетекчиси Мелис Тургунбаев санарип сомду улуттук валютанын үчүнчү формасы катары, накталай жана накталай эмес акчалар менен бирге, мыйзамдык жактан бекитүү зарылдыгын белгилеген. Бул физикалык жана юридикалык жактарга накталай жана санарип валюталар арасында которууларды жүргүзүүгө мүмкүнчүлүк берет.
