Крупногабарит жүктөрдү ташууга берилген атайын уруксаттардан түшкөн кирешелер 2025-жылы 335,2 млн сомду түздү

- 2025-жылы Жер үстүндөгү жана суу транспортунун департаментинин ишмердүүлүгүнөн алынган кирешелер 453,5 млн сомду түздү. Бул көрсөткүч 2024-жылдагы 138,4 млн сомго салыштырмалуу 3,2 эсе жогору, ведомствонун маалыматына ылайык.

Өсүүнүн негизги факторы жүк ташууга арналган атайын уруксаттарды берүү үчүн алынган жыйымдар болду. Бул багытта бюджетке 335,2 млн сом келип түштү, бул өткөн жылдын деңгээлинен 4,5 эсе жогору.

Мындан тышкары, эл аралык жүк ташуу талаптарын бузгандыгы үчүн айыппулдар да көбөйдү: Кыргыз Республикасынын административдик укук бузуулар кодексинин 200-беренеси боюнча 13,8 млн сомго 918 протокол жазылды.

Ведомстводо бюджетке түшкөн кирешелердин өсүшү автомобиль транспортундагы контролдун системалык жакшырганын жана жүк ташуучулар арасында дисциплинанын жогорулаганын көрсөтүп жатканын белгилешет.