Токтогул суу сактагычындагы суу көлөмү 9,1 миллиард кубометрге түшүп калды

Быйыл Кыргызстанда, ошондой эле Борбордук Азиянын көпчүлүк өлкөлөрүндө суу ресурстарынын көлөмү кыскарууда. Бул маалымат өкмөттүн жыйынында айтылды.
Бүгүнкү күндө Токтогул суу сактагычындагы суу көлөмү 9,102 миллиард кубометрди түзөт, бул 2025-жылга салыштырмалуу 1,631 миллиард кубометрге аз.

Эксперттер суу жетишсиздиги электр энергиясын өндүрүүгө терс таасир этиши мүмкүн деген тынчсыздануусун билдиришти. Ошондуктан электр энергиясын пайдалануу боюнча белгиленген нормаларды катуу сактоо зарылдыгы белгиленди. Бирок анализ көрсөткөндөй, бул нормаларды сактоо практикада белгилүү кыйынчылыктарга туш болот.