Анын маалыматына ылайык, өлкөгө өткөн жылы $715,7 миллион инвестиция тартылган. Бул жаңы ишканалардын ачылышына жана ар кандай региондордо жумушчу орундардын түзүлүшүнө өбөлгө түздү.
Маматов мындай жыйынтыктар мамлекеттин жана региондордун деңгээлинде коюлган тапшырмаларды ийгиликтүү аткаруунун көрсөткүчү экенин белгиледи.
Экономика министрлигинин маалыматы боюнча, өткөн жылы региондордо төмөнкү ишканалар ачылган:
- Чүй облусу — 35 жаңы ишкана жана 3 миң 731 жумушчу орун;
- Талас облусу — 6 ишкана, 110 жумушчу орун;
- Жалал-Абад облусу — 16 жаңы ишкана, 700 жумушчу орун;
- Баткен облусу — 13 ишкана жана 1 миң 66 жумушчу орун;
- Ысык-Көл облусу — 12 ишкана, 363 жумушчу орун;
- Нарын облусу — 13 жаңы ишкана, 432 жумушчу орун;
- Ош облусу — 14 ишкана, 519 жумушчу орун;
- Бишкек — 6 жаңы ишкана жана 1 миң 348 жумушчу орун;
- Ош — 4 ишкана, 202 жумушчу орун.
Министрликте инвестицияларды тартуу жана региондордо жумушчу орундарды түзүү боюнча иштер улантыларын баса белгилешет.
