Бишкекте президенттин катышуусунда ГИК линиясы боюнча батирлердин ачкычтарын тапшыруу аземи өттү

- Бүгүн, 12-январда, Бишкекте президент Садыр Жапаров ГИК программасынын алкагында курулган жаңы батирлердин ачкычтарын тапшырган салтанат өттү.

Бул батирлер мурдагы №47 жазаларды өтөө колониясынын аймагында жайгашкан «Мурас» турак жай комплексинин экинчи этапынын алкагында курулган (дареги: Маликова көчөсү 91, Бишкек).

Проекттин алкагында 8 блок куруу пландалган, ар бир блок 24 кабаттан турат.

Президент өз кайрылуусунда учурда 1080 батир берилгенин белгиледи.

«Эсиңиздерде болсо, «Мурас» турак жай комплекси 39 блокту камтыйт, башында 4754 батир куруу пландалган. 2024-жылы 510 батир берилет, 2025-жылы — 476. Учурда курулуш уланууда, дагы 2688 батир жаңы ээлерине өткөрүлөт», — деп тактады Садыр Жапаров.

Мындан тышкары, турак жай комплексинде мектеп, бала бакча жана автоунаа токтотуучу жайлар каралган.