Монголиянын Улуттук лигасынын финалынын алкагында Монголиянын «Дархан» хоккей клубу менен Россиянын «Газпромбанк» клубунун ортосунда достук оюн өтөт.
Оюн 21-мартта «Степпа Арена» аянтчасында өткөрүлөт. Россия командасынын курамында совет хоккейинин легендасы, спорттун эмгек сиңирген устаты, олимпиада чемпиону (алтын жана күмүш), көптөгөн дүйнө чемпиону жана ар кандай турнирдеги медалдардын ээси Василий Первухин катышат. Ошондой эле командада Европа Кубогунун чемпиону жана жаштар арасында Европа чемпионатынын бронзалык медалисти, Шпенглер Кубогунун ээси жана Норвегия чемпионатынын мыкты бомбардири Игорь Мишуков болот.
Бул достук матчтын негизги максаты хоккейди жаштар жана балдар арасында популяризациялоо, ошондой эле бул спорттун түрүнө мүнөздүү ылдамдыкты, күчтү жана чеберчиликти көрсөтүү болуп саналат.
