Тегерандагы мунай сактоочу жайдагы өрт, 2026-жылдын 8-марты
Иран тараптын маалыматы боюнча, Тегеран региондогу бардык отун-энергетикалык инфраструктура объектилери тууралуу маалыматка ээ. Ошол эле учурда Иран «азырынча» бул курулуштарга кол салуудан баш тартканын белгилейт.
Иранга каршы аскердик операция 28-февралда АКШ жана Израиль тарабынан башталган. Бул жооп катары ислам республикасы Израиль объектилерине жана региондогу ар кандай өлкөлөрдөгү америкалык базаларга, анын ичинде БАЭ, Катар, Кувейт, Бахрейн жана Сауд Аравиясына кол салууларды баштады. 8-мартта Иран Тегеранда жана анын айланасындагы беш мунай объектине АКШ жана Израиль тарабынан кол салуу болгонун маалымдады.
