«Украинада туруктуу тынчтыкты колдоо» резолюциясы боюнча добуш берүүнүн жыйынтыгында 107 мамлекет документти колдоду, ал эми 12 өлкө каршы чыкты, 51 өлкө добуш берүүдөн баш тартты.
Каршы добуш бергендердин арасында Россия, Беларус, Буркина-Фасо, Бурунди, Куба, КНДР, Эритрея, Иран, Мали, Нигер, Никарагуа жана Судан өкүлдөрү болду.
Казакстан, Кыргызстан, Тажикстан жана Өзбекстан добуш берүүдөн баш тарткан 51 өлкөнүн катарына кирди. Түркмөнстан добуш берүүгө катышкан жок. Ошондой эле АКШ, Кытай, Индия, Түштүк Африка, Армения, Бразилия, Катар, Монголия жана БАЭ да баш тартты.
Резолюцияда Украинасынын көз карандысыздыгын, суверенитетин жана аймактык бүтүндүгүн колдоо белгиленген. АКШ тексттен суверенитет жана аймактык бүтүндүккө, ошондой эле БУУнун Уставына тиешелүү эки абзацты алып салууну сунуштады, бирок башка мамлекеттер бул сунушту четке какты, жана резолюция баштапкы вариантында кабыл алынды.
