Бардык сүйүүчүлөрдүн күнү алдында Central Asia порталы СНГ лидерлеринин жана алардын жубайларынын романтикалык тарыхы тууралуу кызыктуу обзор даярдады.Азербайжан. Ильхам Алиев жана Мехрибан Алиева
Азербайжандын биринчи айымы Мехрибан Алиева 1964-жылдын 26-августунда Бакуда жарык дүйнөгө келген. Ал академиялык жана бизнес чөйрөлөрдө белгилүү болгон Пашаевдердин интеллигенттер үй-бүлөсүндө төрөлгөн.
Мехрибан жана Ильхам Алиевдердин никеси 1983-жылы, экөө студент болгондо, болуп өткөн. Мехрибан Москвадагы медициналык институтка жаңы эле которулган, ал эми Ильхам МГИМОнун аспирантурасында окуп жаткан.
Никесинен бир жыл өткөндөн кийин, алардын кызы Лейла жарыкка келди, ал эми 1989-жылы, мекенинде, кызы Арзу төрөлдү. 1997-жылы, Лондондо жүргөндө, Мехрибан күйөөсүнө Гейдар аттуу уулун белек кылып, Алиевдер династиясын улантты.
