Стамбулда, Шишли районунда, полиция башы жок, жоолукка оролгон денени таштанды контейнеринен тапты. Бул тууралуу Лента.ру агенттиги Sabah басылмасына шилтеме берип маалымдады.
Жергиликтүү тургундардын айтымында, денени кагаз жыйноочу адам тапкан. Кийинчерээк, бармак издерин текшерүүдө, бул 37 жаштагы Дурдона Хакимова, Өзбекстан жараны экени аныкталды. Учурда укук коргоо органдары окуя болгон жерди курчап алып, тергөө иштерин жүргүзүүдө.
Эскерте кетсек, бул Түркиядагы жоголуу учурлары менен байланышкан биринчи окуя эмес: мурда Россиялык сүзүүчү Николай Свечниковдун денеси табылган, анын издөөлөрү жайдын аягынан башталып, октябрь айынын аягында гана аяктаган.
