Трамп: Венесуэла АКШга 50 миллион баррель мунай өткөрөт

Трамп ошондой эле мунай азыркы рыноктук баалар боюнча сатыларын белгилеп, сатуудагы каражаттар АКШ президенти катары анын көзөмөлүндө болорун айтты. Ал бул акчалар Венесуэла элдин жана Америка Кошмо Штаттарынын жарандарынын пайдасына жумшалышы керек экенин белгилеп, бул тууралуу Truth Social социалдык тармагында жазды.

Анын айтымында, мунай деңиз транспорту менен АКШдагы кампаларга жеткирилет, ал жерде ал түшүрүлөт.

5-январда Венесуэланын вице-президенти Делси Родригес президенттин милдетин аткаруучу катары ант берди. Трамп буга чейин Родригестин Америка Кошмо Штаттары менен кызматташууга даяр экенин билдирген.