Түркиядагы окуу-даярдык жыйындар учурунда Роберт Просинечкиндин жетекчилигиндеги команда Экваториалдык Гвинея менен беттешет. Оюн Анталияда өткөрүлүп, Бишкектин убактысы боюнча 20:00дө башталат.
Бул беттеш биздин командабыздын тарыхындагы 190-оюн болуп, африкалык командага каршы биринчи жолу болот.
Учурдагы ФИФА рейтингинде Кыргызстан 103-орунда, ал эми Экваториалдык Гвинея 107-орунда турат.
Мурда Кыргызстандын командасы клубдук деңгээлде африкалык командалар менен ойноп көргөн, мисалы, 2024-жылы Түркиядагы жыйындар учурунда алжирдик «Оран» клубуна каршы 0:0 эсебинде тең чыгышкан.
