Жыйында бардык даярдык иштеринин макулдашылган план боюнча жүрүп жатканы белгиленди. Учурда катышуучу өлкөлөрдөн командалар түзүлүүдө, алар акыркы бекитүү стадиясында.
Тандоо туруларына жыйынтык чыгарылып, Кыргызстан жана Бишкек командасынын курамына кире турган катышуучулар аныкталды.
Уюштуруучулар оюндарга даярдыкты жогорку деңгээлде камсыз кылуу милдетин койду. Дельфий оюндары 2026-жылдын 23-мартынан 28-мартына чейин Бишкекте өткөрүлөт.
Бул долбоордун негизги максаты маданий көп түрдүүлүктү колдоо жана таланттуу жаштардын ар кандай искусстволордо өздөрүн көрсөтүү мүмкүнчүлүгүн берүү үчүн фестивалдык конкурс өткөрүү шарттарын түзүү, ошондой эле эл аралык аренада искусство тармагында жаш лидерлерди аныктоо жана колдоо болуп саналат.
