Кыргызстанда мелдешти уюштуруу федерациянын адистеринин белгилөөсү боюнча, футбол инфраструктурасын модернизациялоонун маанилүү кадамы болуп, бул өлкөнүн эл аралык имиджин жогорулатат жана жаштарды футболго тартат.
КФСтин сүрөтү
КФС өзүнүн арызынын алкагында эл аралык стандарттарга жооп берген стадиондорду, машыгуу аянттарын, мейманканаларды жана транспорт инфраструктурасын камтыган деталдуу концепцияны даярдаган. Бардык документтер АФКнын талаптарына ылайык даярдалган.
Турнирди өткөрүүгө талапкерлердин катарында Иордания, Япония, Катар, Бириккен Араб Эмираттары жана Өзбекстан да бар.
АФКнын өкүлдөрү 2-6-мартта Кыргызстанда инфраструктуранын даярдыгын баалоо үчүн инспекциялык визит өткөрүшөт. Бул текшерүүнүн жыйынтыктары жана берилген маалыматтарды талдоо турнирди өткөрүүчү өлкөнү аныктоого жардам берет.
Кыргызстандын футбол федерациясы Азия Кубогун U-23 өткөрүү мүмкүнчүлүгүн өлкөдөгү футболду өнүктүрүү жана жаш оюнчуларды даярдоо үчүн заманбап шарттарды түзүү боюнча стратегиялык кадам катары карап жатканын белгилешет.
