Кыргызстандык дзюдоист Эрлан Шеров 2026-жылдын 14-15-февралында Словениянын борбору Любляна шаарында өткөн Европа Кубогунда жеңишке жетти. Бул тууралуу Маданият, маалымат жана спорт министрлигинин билдирүүсүндө айтылды.
Турнирге 45 өлкөдөн 513 спортчу катышты.
90 кг салмак категориясында Шеров турнирдик сетка боюнча бекем жылып, жребий этапында биринчи айлампаны өткөрүп жиберди.
1/16 финал этапында бельгиялык Карл Фубертти жеңип, 1/8 финалда литвалык Августас Слизеринсди утту. Четвертьфиналда кыргызстандык француз Эниэль Кэролиден күчтүү болуп чыкты, ал эми жарым финалда мисирлик Абдалла Абдельсамейди жеңди.
Алтын медаль үчүн финалдык беттеште Шеров россиялык Давид Карапетянды жеңип, турнирдын чемпиону наамын жеңип алды.
Бул мелдеште Кыргызстанды үч дзюдоист өкүлчүлүк кылды: Эрлан Шеров (90 кг), Эрбол Абасбеков жана Ханболот Ырысбеков (экиси 66 кг). Команданын башкы машыктыруучулары — Эркин Ибрагимов жана улук машыктыруучу Азат Кубакаев.
