Жаңы сезондун биринчи турунун мелдештери 7-февралдан 13-февралга чейин Бишкектеги Кожомкул атындагы спорт сарайында өтүп, анда 8 команда катышты.
Биринчи турдун алкагында командалар айланма система боюнча ойноду.
«Бек» 7 оюндан 6 жеңишке жетип, 13 упай менен турнирдик таблицада биринчи орунду ээледи. Бишкектеги ВВ МВД командасы да 13 упай топтоп, кошумча көрсөткүчтөрдүн начардыгына байланыштуу экинчи орунду ээлеп турат.
Үчүнчү орунду өлкөнүн азыркы чемпиону «Кара-Суу» ээлеп турат.
Мелдештин кийинки туру март айына пландалган.
Биринчи турдун жыйынтыгы боюнча турнирдик таблица
1. «Бек Жалал-Абад» — 13 упай (18-3)
2. ВВ МВД — 13 упай (19-6)
3. «Кара-Суу» — 12 упай (17-10)
4. СКА МО КР — 11 упай (14-10)
5. «Сары-Өзөн» — 11 упай (12-13)
6. «Салам-Алик» — 9 упай (7-16)
7. «Буудан» — 8 упай (7-19)
8. «Ош» — 7 упай (4-21)
