Кыргыз футбол союзунун (КФС) аткаруу комитети Антонио Мессаны Кыргызстандын аялдар улуттук командасынын башкы машыктыруучусу кызматында расмий түрдө дайындады. Бул чечим футбол инфраструктурасын өнүктүрүү жана 2026-жылга даярдык маселелери талкууланган комитеттин жыйынында кабыл алынды.
КФСтин маалыматына ылайык, Мессанын жаңы кызмат орду U-17 кыздар жаштар командасы менен иштөөсүнө тоскоолдук кылбайт. Мессанын дайындалышы өлкөдөгү аялдар футболун өнүктүрүүгө жана улуттук команданын эл аралык аренадагы позицияларын күчөтүүгө багытталган.
