Шаңгы жарыштарынын «спринт» дисциплинасында мелдештер 10-февралда башталды, ага 94 спортчу катышты.
Квалификациялык этабында Сапарбеков 91-номер менен стартка чыкты, алгачкы 800 метрди 2 мүнөт 23,8 секундда өттү. Анын финишке чыккандагы жалпы убактысы 4 мүнөт 36,85 секундду түздү, бул ага 94-орунду камсыз кылды.
Квалификациянын жыйынтыгы боюнча 30 мыкты спортчу чейрек финалга өттү. Квалификациянын лидери норвегиялык Йоханнес Клебо болуп, 3 мүнөт 7,37 секундду көрсөттү. Артур андан 1 мүнөт 29,48 секундга артта калды.
Сапарбековдун кийинки катышуусу 13-февралга пландалган, ал 10 км эркин стилде жарышта атаандаштыкка түшөт.
