Соревнования 6-июндан 14-июнга чейин Филиппиндерде өтөт жана 12 команда чогулат.
2025-жылы Кыргызстан аялдар курама командасы Ташкентте өткөн Орто Азия волейбол ассоциациясынын (CAVA) Улуттар Лигасында үчүнчү орунду ээлеп, тарыхта биринчи жолу Азия Кубогуна квалификациядан өттү.
Учурда кыргызстандык волейболчулар дүйнөлүк рейтингде 62-орунду, Азияда болсо 10-орунду ээлеп турушат.
Азия Кубогу боюнча командалар эки группага бөлүнөт, жана ар бир группадан эки мыкты команда «Төрт финал» үчүн күрөшүн улантат. Калган катышуучулар 5-12 орундар үчүн атаандашышат.
