Мелдешке өлкөнүн бардык аймактарынан 400дөн ашык жигиттер жана кыздар катышты.
Чемпиондук жыйынтыгы боюнча Кара-Балтадагы «Манас» спорт клубунун тарбиялануучулары өз салмак категорияларында сыйлык орундарын ээлешти. Жеңүүчүлөрдүн катарына 80 кг салмак категориясында биринчи орунду алган Амирхан Курманбеков (тренери — Руслан Байсариев) жана 80 кгдан жогору салмак категориясында биринчи орунду алган Байанас Карыпжанов (тренерлер — Александр Макаров жана Руслан Байсариев) кирди.
52 кг салмак категориясында күмүш медальды Жибек Дамирбекова утуп алды. 54 кг салмак категориясында бронзалык медальды Сезим Абдысаламова жеңип алды.
Республикалык чемпиондуктун жеңүүчүлөрү Кыргызстандын атынан 2026-жылдын майында Ташкент шаарында (Өзбекстан) өтө турган Азия чемпионатында катышуу укугуна ээ болушту.
