Команданын жаңы футболисттеринин тизмеси:
Юрий Сильва (Бразилия) — 26 жашта, эл аралык тажрыйбасы бар чабуулчу. Мурда «Elosport SP» (Бразилия), «Металлист» (Украина), «Boluspor» (Түркия), ошондой эле «Praiense» жана «Eléctrico» (Португалия) жана «Paju Citizen» (Түштүк Корея) клубдарында ойногон.
Жордана Кайке (Бразилия) — 25 жашта, «Гояс», «Атлетико ГО», «Америка МГ», «Позу Алегре», «Гама ДФ», «Норт EC» жана «Бостон Сити» клубдарында ойногон чабуулчу полузащитник.
Сарвар Мирзаев (Өзбекстан) — 24 жашта, тажрыйбалуу дарбазачы, ал АГМК, «Олимпик» жана «Шуртан» сыяктуу алдыңкы өзбек клубдарында ойногон.
Артем Мироевский (Беларусь) — 26 жашта, мурда «Арсенал» (Дзержинск), «Рух», «Макслайн» жана «Днепр» (Могилев) клубдарында ойногон чабуулчу.
Артем Архипов (Россия) — 29 жашта, Россиянын Премьер-лигасында жана башка өлкөлөрдүн жогорку лигаларында бай тажрыйбасы бар чабуулчу. Ал «Тамбов», «Ахмат» (Грозный), «Химки» (Москва), ошондой эле «Шахтёр» (Солигорск, Беларусь), «Туран» (Казакстан) жана «Днепр» (Могилев, Беларусь) клубдарында ойногон.
Мирлан Худайбердиев (Кыргызстан) — 23 жашта, «Талант», «Абдыш-Ата» жана Кыргызстан улуттук олимпиада командасында (U23) ойногон коргоочу.
Эрбол Култаев (Кыргызстан) — 23 жашта, борбордук полузащитник, ошондой эле «Абдыш-Ата» клубунда ойногон жана Кыргызстан улуттук олимпиада командасынын (U23) оюнчусу.
Бектур Замирбек уулу (Кыргызстан) — 23 жашта, «Бишкек Сити» жана «Мурас Юнайтед» клубдарында ойногон коргоочу.
Баястан Талантбеков (Кыргызстан) — 24 жашта, «Алга» (Бишкек) жана «Талант» клубдарында ойногон борбордук полузащитник.
Аброр Кыдырадиев (Кыргызстан) — 34 жашта, бай тажрыйбасы бар полузащитник, «Алай» (Ош), «Алдиер» (Куршаб) жана «Нефтчи» (Кочкор-Ата) командаларында ойногон. Ал ошондой эле улуттук командада ойноп, Кыргызстанда төрт жолку чемпион, эки жолку Кубок жана Суперкубок ээси.
Учурда «ОшМУ» командасы Ташкентте (Өзбекстан) окуу-тренировка жыйынын өткөрүүдө.
