Депутаттын айтымында, жергиликтүү тургундар ар кандай кыйынчылыктарга туш болуп, көп учурда аларды өз алдынча чечүүгө аракет кылышат. Жаштар жана аялдар тарабынан болгон суроолорго байланыштуу, ал спорттук комплекстин курулушунун маанилүүлүгүн баса белгиледи.
Кубанычбеков мындай объекттин жаштардын ден соолугун чыңдоого, коомдогу биримдикти күчөтүүгө жана укук бузууларды азайтууга чоң жардам берерин түшүндүрдү.
Ал ошондой эле №74 орто мектептин жанында жер тилкеси бөлүнүп берилгенин жана даяр долбоордук-сметалык документация бар экенин кошумчалады. Ошондуктан депутат спорттук комплекстин курулушун 2026-жылга капиталдык салымдардын титулдук тизмесине киргизүүнү өтүндү.
