2025-жылдын декабрь айында ал Монголиянын экинчи лигасында ойногон «Умнугови Ёлууд» командасы менен контрактка кол койду.
Ильяз өзүнүн командасынын ийгиликтүү оюнунда маанилүү роль ойноду, команда группалык этапта үчүнчү орунду ээлеп, жети жеңишке жетишти. Бул убакта ал төрт жолу оюндун мыкты оюнчусу деп табылды.
16-январда «Умнугови Ёлууд» үчүнчү орун үчүн «Мегастарс» командасы менен беттешти.
Кыргызстандык спортчу катышкан команда 3:0 (25-23, 25-21, 25-17) эсебинде ишенимдүү жеңишке жетип, сезондун коло медалдарын утуп алды.
Бул сезондо дагы бир кыргызстандык — Жантемир Жээнбек уулу, Монголиянын жогорку лигасында SG Hawks клубунда ойноду, бирок анын командасы плей-оффко өтө албай, 4-орунду ээледи.
Мындан тышкары, өткөн сезондо Кыргызстандын курама командасынын капитаны Онол Каныбек уулу дагы SG Hawks клубунда ойноп, Монголиянын Суперлигасында коло медаль утуп алганын белгилөө керек.
