Кыргызстандын футзал боюнча курама командасы эки достук оюн өткөрөт

Футзал федерациясы Кыргызстан командасынын Азия Кубугунун финалдык этабына даярдык көрүү учурунда эки достук оюн өткөрөөрү тууралуу маалымат берди.

Учурда команда Индонезияда, окуу-тренировка жыйыны өтүп жатат. Бул жыйында кыргызстандыктар 16-январда Тажикстан менен, 18-январда Саудия Аравиясы менен ойноп чыгышат.

Азия Кубугу 27-январда Индонезияда башталат. Кыргызстандын командасы Индонезия, Ирак жана Түштүк Корея менен бир группага кирди.