ГТС убактылуу складдардан же бажы инфраструктурасынын башка объектилеринен товарларды сатуу менен алектенбестигин маалымдашты. Жасалган видеоматериалдар жасалма интеллект технологияларын колдонуп, бажынын расмий ишмердүүлүгү менен эч кандай байланышта эмес.
Ошондой эле расмий бланктар стилинде жасалган жасалма документтердин таралышы аныкталды. Бул материалдарда "бажыдан өткөрүлбөгөн сумма", "бажы жыйымы" жана "брокер аркылуу расмийлештирүү" сыяктуу жок процедуралар жана төлөмдөр тууралуу сөз болот. ГТС мындай документтердин өз ишинде колдонулбай турганын жана юридикалык күчкө ээ эместигин тактады.
Мындай материалдардын жарандарды алдоо жана мыйзамсыз пайда табуу максатында түзүлгөндүгү түшүндүрүлдү.
Мамлекеттик бажы кызматы жарандарды сак болууга, шектүү маалыматка ишенбөөгө жана белгисиз каналдар менен мессенджерлердеги топтор менен байланыштан качууга чакырат.
Бажы органдарынын ишмердүүлүгү тууралуу расмий маалыматтар тек гана ведомствонун расмий ресурстарында жеткиликтүү. Эгер шектүү билдирүүлөр же алдамчы аракеттер аныкталса, жарандар дароо +996312512467 телефонуна кайрылуусун өтүнүшөт.
