Башкы прокурордун орун басары Залкарбек Акназаровдун Эл аралык валюта фонду миссиясынын өкүлдөрү менен жолугушуусу Башкы прокуратура тарабынан уюштурулган консультациялардын алкагында өттү.
Башкы прокуратуранын маалымат кызматы билдиргендей, талкуу коррупцияга, уюшкан кылмыштуулукка, салык мыйзам бузууларына жана башка кылмыштарга каршы күрөшүү, ошондой эле мыйзамсыз кирешелерди легалдаштыруу боюнча иштерди тергөөдө натыйжалуулукту жогорулатуу маселелерин камтыды.
«Кыргызстандын 2025-2030-жылдарга карата коррупцияга каршы стратегиясын ишке ашырууга, каржылык чалгындоо органдары менен өз ара аракеттенүүгө, татаал трансшекаралык каржылык кылмыштарды тергөөгө жана прокуратуранын институционалдык потенциалын бекемдөөгө өзгөчө көңүл бурулду. Жолугушуунун жыйынтыгында тараптар конструктивдүү диалогдун маанилүүлүгүн белгилешти жана кызматташтыкты мындан ары бекемдөөгө даярдыктарын билдиришти», — деп айтылат расмий билдирүүдө.
