1-апрелден 3-апрелге чейин Кыргызстандагы төрт шаарда «Россияда билим алуу – 2026» аттуу орус университеттеринин көргөзмөсү өтөт. Бул тууралуу маалыматты Бишкектеги Орус үйү билдирди.
Бул иш-чара «Москва классиктери» коомдук фонду тарабынан Кыргыз Республикасынын Билим берүү министрлигинин, Бишкектеги Орус үйүнүн жана Б. Ельцин атындагы Кыргыз-орус Славян университетинин колдоосу менен уюштурулган.
Көргөзмөдө Москва, Санкт-Петербург, Калининград, Краснодар, Самара, Томск, Тюмень жана Екатеринбург шаарларында жайгашкан 27 университеттин программалары сунушталат.
Университеттердин толук тизмеси менен төмөнкү шилтеме аркылуу таанышууга болот: https://uchebarf.kg/exhibition.
Көргөзмөнүн өткөрүү убактысы жана жери:
* Бишкек: 1 – 2-апрель, саат 12:00дөн 16:30га чейин, КРСУнун негизги корпусу;
* Кара-Балта: 1-апрель, саат 12:00дөн 15:00гө чейин, В. Ленин атындагы ДК (Ленин көч., 2);
* Кант: 2-апрель, саат 12:00дөн 15:00гө чейин, Ч. Айтматов атындагы Достук үйү (Тагаев көч., 34);
* Токмок: 3-апрель, саат 12:00дөн 15:00гө чейин, А.С. Пушкин атындагы № 1 ОШ (Сулайманкулов көч., 77).
Бул көргөзмө 10-11-класстын окуучулары, ошондой эле келечектеги магистранттар жана аспиранттар үчүн мыкты мүмкүнчүлүк болуп саналат. Иш-чаранын катышуучулары университеттердин өкүлдөрү менен түз байланышып, билим берүү программалары, студенттик жашоо жана карьералык мүмкүнчүлүктөр жөнүндө маалымат ала алышат.
Көргөзмөнүн ачылыш аземи 1-апрелде, саат 12:00дө КРСУнун негизги корпусунда (Киевская көч., 44) пландалган.
