Бул иш-чара "Күчтүү жаштар - күчтүү өлкө!" долбоорунун алкагында уюштурулган, аны ЮНИСЕФ Европалык Союздун финансылык колдоосу менен ишке ашырууда. Долбоордун аткаруучусу Жергиликтүү медиа ассоциациясы болуп, Кыргыз Республикасынын Билим берүү министрлиги анын ишке ашырылышында өнөктөш болду.
Үч күндүн ичинде катышуучулар жарандык катышуу, гендердик теңдик, инклюзия жана климаттын өзгөрүшү сыяктуу актуалдуу темаларды камтыган билим берүү сессияларына жана практикалык сабактарга катышышты.
Bootcamp'та жаштар төмөнкү тармактарда практикалык жөндөмдөрдү алышты:
медиа жана маалымат грамоттугу, критикалык ой жүгүртүүнү өнүктүрүү;мобилдик журналистика — смартфондордун жардамы менен социалдык тармактар үчүн видеоконтентти тартуу жана монтаждоо;контент түзүү жана социалдык медиага стори telling.
Мындан тышкары, программа интерактивдүү викториналарды, практикалык тапшырмаларды, мастер-класстарды жана эл аралык уюмдардын, бийлик өкүлдөрүнүн жана парламент депутаттарынын катышуусундагы жолугушууларды камтыды. Окуучулар ЮНИСЕФ, Европалык Союз, министрликтер жана Жогорку Кеңештин депутаттарына суроолорду берүүгө мүмкүнчүлүк алышты.
Bootcamp'тын аяктоосунда катышуучулар сертификаттарды алышып, мектеп медиа борборлорун өнүктүрүүгө багытталган ментордук программа тууралуу маалымат алышты.
Бул инициатива активдүү, жоопкерчиликтүү жана медиаграмоттуу жаштарды колдоого багытталган, алар коомдун жана өлкөнүн өнүгүшүнө маанилүү салым кошо алышат.
