Борбордун түзүлүшүнүн максаты улуттук киберкоопсуздук системасын бекемдөө жана өлкөнүн санарип инфраструктурасын коргоо болуп саналат. Мекеме санарип суверенитетин камсыз кылуу жана санарип экономикасын өнүктүрүүгө көмөктөшөт.
Борбордун негизги милдеттерине мамлекеттик сектор үчүн программалык жана программалык-аппараттык чечимдерди иштеп чыгуу жана ишке ашыруу, алардын сертификаттоосу жана техникалык колдоосу кирет. Ошондой эле киберкооптуулуктарды мониторинг кылуу жана аларга ыкчам жооп берүү, маалыматтарды коргоо технологияларын түзүү, ар кандай мамлекеттик органдардын ишин координациялоо жана маалыматтык коопсуздук тармагында адистерди даярдоо пландаштырылууда.
Жаңы имарат заманбап сервердик жана аналитикалык системалар менен жабдылган, бул адистерге кибератакаларга ыкчам жооп берүүгө жана критикалык маанидеги санариптик кызматтардын туруктуу иштешин камсыз кылууга мүмкүнчүлүк берет.
Иш-чарада ошондой эле УКМКнын жетекчилиги жана ардагерлери, ошондой эле бул тармакка тиешеси бар башка мамлекеттик структуралардын өкүлдөрү катышты.
Борбордун ачылышы мамлекеттин жарандар, бизнес жана мамлекеттик мекемелер үчүн коопсуз санариптик чөйрөнү түзүүгө болгон артыкчылыктуу көңүлүн баса белгилейт.
