Министрликтин басма сөз кызматынын маалыматына ылайык, талкууланган маселелердин катарында «Саламаттыкты сактоодо регионалдык коопсуздукту бекемдөө» долбоорун ишке ашыруу маселелери камтылган. Бул долбоор лабораториялык кызматтарды модернизациялоого жана саламаттыкты сактоо системасынын потенциалдуу коркунучтарга жооп берүү даярдыгын жакшыртууга багытталган.
Саламаттыкты сактоо министрлигинин сүрөтү
Тараптар ошондой эле лабораториялык тармактын объекттерин куруу боюнча жетишкендиктерди, лабораториялык жабдууларды жеткирүү маселелерин, ошондой эле лабораториялык маалыматтарды башкаруу системасын киргизүү жана башка программалык демилгелерди ишке ашыруу маселелерин талкуулашты, деп айтылат расмий билдирүүдө.
