Бишкекте мэрдин орун басары Рамиз Алиевдин катышуусунда көчмө жыйын өткөрүлдү. Жыйын Ауэзов көчөсүн Анкара көчөсүнөн Жибек-Жолу проспектинин ортосундагы бөлүгүндө оңдоп-түзөө иштерине арналды. Бул тууралуу шаардык мэрия маалымдады.
Жыйында аталган аймактын санитардык абалы бааланып, жашылдандыруу жана оңдоп-түзөө процессине көзөмөл жүргүзүлдү. Тескери курулуштарды бузуу жана шаардык чөйрөдө тартип орнотууга чоң көңүл бөлүндү.
Жыйынга муниципалдык менчик башкармалыгынын өкүлдөрү, ошондой эле Свердлов жана Октябрь акимдиктеринин жетекчилери, жер пайдаланууга көзөмөл жүргүзүү башкармалыгынын жана «Тазалык», «Бишкекзеленстрой», «Бишкексвет», «Бишкекасфальтсервис» жана «Бишкек шаардык транспорт» сыяктуу муниципалдык ишканалардын өкүлдөрү катышты.
Жыйындын жыйынтыгы менен бир нече негизги чечимдер кабыл алынды:
- Ауэзов көчөсүнүн батыш жагында, Анкара көчөсүнөн Шабдан Баатыр проспектине чейин сквер түзүү;
- Сагымбай Манасчы көчөсүндө, Ауэзов көчөсүнөн Чолпон-Ата көчөсүнө чейин сквер куруу;
- Жаңы дарактарды отургузуу;
- Тескери курулуштарды бузуу;
- Таштанды сорттоочу пункттарды уюштуруу;
- Электр өткөрүү линиясынын опоросун бузуу;
- Көрсөтүлгөн участокто тротуарларды титулдук тизмеге киргизүү;
- Жарыктандырууну орнотуу.
