Кыргызстандын борбору Бишкекте жумуртканын баасынын төмөндөшү байкалууда. Антимонополия кызматынан билдиришкендей, бааларды туруктуу кармоо боюнча көрүлгөн чаралар жемиш берүүгө киришти жана рыноктогу абал көзөмөлдө.
Рыноктордо жана дүкөндөрдө жумуртканын баасы төмөндөгөн. Орточо он жумуртканын баасы 110дөн 160 сомго чейин, ал эми супермаркеттерде 110дөн 150 сомго чейин өзгөрүп турат.
Бааларды туруктуу кармоо үчүн соода тармактары жана жумуртка өндүрүүчү фабрикалардын өкүлдөрү менен жолугушуулар уюштурулган. Катышкандар продукциянын баасын негизсиз жогорулатпоо боюнча макулдашышкан.
Орточо алганда, жумуртканын баасы 1ден 3 сомго чейин төмөндөгөн.
