Орозо айтынын белгилөө менен байланыштуу, Кыргызстанда коомдук тартипти сактоо үчүн 10 миңден ашык милиция кызматкерлери тартылат. Бул маалыматты Бишкектин Ички иштер башкармалыгы берди.
Милиция кызматы күчөтүлгөн режимде иштейт, жарандардын коопсуздугуна жана укук бузууларды алдын алууга көңүл бурат.
Айт намазы мечиттердин аймагында гана өтөт. Коопсуздук органдары жарандарды мыйзамды сактоого жана бири-бирине урмат көрсөтүүгө, ошондой эле милиция кызматкерлеринин көрсөтмөлөрүн аткарууга чакырат.
ДУМКнын маалыматы боюнча, Айт намазын өткөрүүнүн программасы төмөнкүдөй болот:
* 07:30 – 08:00 - баяндамалар;
* 08:00 – 08:25 - имам-хатибдер жана мамлекеттик кызматкерлердин куттуктоолору;
* 08:25 – 08:30 - Айт намазынын эрежелерин үйрөтүү;
* 08:30 – 08:50 - майрамдык намаз.
