Ал ири шаарларда квалификациялуу адистер менен камсыздоо боюнча абал салыштырмалуу туруктуу экенин, бирок алыскы аймактарда адамдар керектүү жардамды алуу боюнча кыйынчылыктарга дуушар болуп жатканын белгиледи.
Республикалык психиатрия жана наркология борборунун директорунун милдетин аткаруучу Жаныбек Ажибековдун айтымында, 2025-жылдын аягына чейин өлкөдө бар болгону 136 психиатр болот.
«Он беш жыл мурун алардын саны 300гө жакын болсо, наркологдор 50 болгон. Нормативдер боюнча 40 миң тургунга бир психиатр туура келет. 160 миң калкы бар аймактарда бир гана врач жарым ставкада психиатр катары, ал эми башка жарым ставкада нарколог катары иштейт. Ал көптөгөн милдеттерди аткарат: рецепттерди жазып берет, бейтаптарды кабыл алат, аскер комиссариаты үчүн медициналык текшерүүлөргө катышат ж.б. Ири шаарларда, мисалы Бишкек, Ош жана Жалал-Абадда чоң стационарлар жана Чым-Коргондо жана Кызыл-Жарда эки ири психиатриялык ооруканалар бар, бирок ал жакта да адистердин жетишсиздиги байкалууда», — деп белгиледи ал.
