Ибраева 2021-жылдан бери диагноздордун санынын өсүшү байкалып жатканын белгиледи.
«2025-жылдын 1-январына карата, бизде психиатриялык оорулары бар 50 миңден ашык адам катталган. Ар жылы 3төн 4,5 миңге чейин жаран биринчи жолу мындай диагноздор менен бетме-бет келишет. Менталдык ден соолук маселеси Кыргызстан үчүн гана эмес, дүйнө жүзү үчүн актуалдуу. Психикалык оорулар диабет, жүрөк-кан тамыр оорулары, онкология жана өпкө оорулары менен бирге инфекциялык эмес ооруларга кирет», — деди ал.
Экс-министр Эркин Чечейбаевдин маалыматына ылайык, Кыргызстан калкынын болжол менен 11 пайызы ар түрдүү психикалык оорулардан, анын ичинде тынчсыздануу, депрессия жана өзүнө кол салуу коркунучтарынан, ошондой эле алкоголго, тамекиге жана наркотиктерге көз карандылыктан жабыр тартууда.
Бул жагдайга жооп катары өлкөдө психикалык ден соолук маселелери боюнча узак жылдардан бери биринчи улуттук стратегия иштелип чыгууда. Алгачкы медициналык деңгээлде үй-бүлөлүк дарыгерлер, психиатрлар, психологдор жана патронаждык медсестралардан турган көп тармактуу командалар түзүлүүдө.
