Маалыматта жаңы система ар кандай окуялар тууралуу маалыматты ыкчам жайылтууга жана кызматтардын окуя болгон жерге жетишине кетчү убакытты кыскартууга багытталгандыгы айтылган.
Системаны иштеп чыгуу боюнча демилге өкмөт башчы тарабынан берилген. Жаңы долбоор бардык өзгөчө кызматтарды бириктирип, аварияларга, табигый кырсыктарга жана башка өзгөчө кырдаалдарга натыйжалуу жооп берүүгө мүмкүндүк берет.
Мындан тышкары, долбоордун алкагында жол кырсыктары жана ири окуялар учурунда кызматтарды автоматтык түрдө чакыруу системасын киргизүү пландалууда. Бул система Техникалык регламенттин талаптарын эске алуу менен иштелип чыгууда жана окуялар тууралуу маалыматты өзгөчө кызматтарга автоматтык түрдө өткөрүп берет.
Системаны ишке ашыруу боюнча техникалык аспекттерге арналган жумушчу жыйында Өзгөчө кырдаалдар министринин орун басары Азамат Мамбетов «Искара Технологиялары» компаниясынын өкүлдөрү менен санариптик чечимдерди интеграциялоо жана оперативдик кызматтардын ортосундагы өз ара аракеттенүү маселелерин талкуулады.
