Бишкекте Улуттук инвестиция агенттигинин жетекчиси Равшанбек Сабиров Кытайдын Longteng Lighting Group Co., Ltd. компаниясынын өкүлдөрү менен жолугушуу өткөрдү.
Жолугушуу учурунда компаниянын өкүлдөрү архитектуралык жана шаардык жарыктандыруу боюнча эл аралык тажрыйбаларын бөлүштү. Алар БРИКС саммиттери жана Шанхай кызматташтык уюму сыяктуу ири эл аралык иш-чаралардын жарыктандыруусуна катышканын белгилешти.
Компания Кыргызстанда көчө жарыктандыруу системаларын орнотуу жана модернизациялоо боюнча инвестициялык долбоорлорду ишке ашырууга кызыгуусун билдирди. Айрыкча, ШОС иш-чараларына даярдык көрүү учурунда шаардык инфраструктураны жакшыртууга катышуу мүмкүнчүлүктөрүнө басым жасалды.
Сүйлөшүү учурунда шаардык чөйрөнү өнүктүрүү, жарыктандырууда заманбап технологияларды киргизүү, энергияны натыйжалуу пайдаланууну жогорулатуу жана учурдагы инфраструктураны модернизациялоо боюнча инвестицияларды тартуу мүмкүнчүлүктөрү талкууланды.
Жолугушуунун жыйынтыгында тараптар шаардык инфраструктураны өнүктүрүү жана Кыргызстандын инвестициялык тартымдылыгын жогорулатууга багытталган кызматташтык формаларын жана келечектеги долбоорлорду талкуулашты.
