Ош шаарындагы борбордук аянтта Нооруз майрамы 21-мартта белгиленет.
Шаардык мэрия тарабынан берилген маалыматка ылайык, салтанаттуу иш-чаралар 10:00дө башталып, кыргыз эстрадасынын белгилүү артисттеринин концерттери менен уланат.
Майрамдын программасында театралдаштырылган көрсөтүүлөр пландалган. Ошондой эле, түштүк борбордун тургундары жана коноктору Борбордук Азиянын мыкты кол өнөрчүлөрүнүн эмгектерин көрсөтүүчү көргөзмө-ярмаркадан ырахат алып, кызыктуу спорттук мелдештерге катыша алышат.
Мындан тышкары, шаардык муниципалитеттен билдиришкендей, 21 жана 22-мартта саат 19:00дө борбордук аянтта элдик аспаптар оркестринин түз концерттери өтөт.
