Мэриянын маалымат кызматы билдиргендей, Первомай районунун администрациясынын орун басары болуп мурда Кара-Балта шаарында муниципалдык менчик башкармалыгынын жетекчиси болуп иштеген Марлен Айбеков дайындалды.
Бишкек шаардык мэриясынын сүрөтү. Марлен Айбеков
Ошондой эле Данияр Манакеев Свердлов районунун администрациясынын орун басары болуп дайындалды. Ал мурда Бишкек шаардык мэриясынын уюштуруу-контроль иштери башкармалыгында чечимдердин аткарылышын көзөмөлдөө бөлүмүнүн жетекчиси болуп иштеген.
Тийиштүү буйруктарга кол коюу мэр Айбек Джунушалиев тарабынан жүргүзүлгөн.
